Русский   www.gov.uz
Тадбирлар
МАЪЛУМОТЛАР УЧУН
МАНЗИЛ:  ТОШКЕНТ Ш.,  НУКУС КЎЧАСИ, 73-А УЙ., 100015.
Маълумот учун телефонлар:  255-92-90
Факс:  255-62-11
Электрон манзил: uzlidep@mail.ru, uzlidep@intal.uz

Фракция фаолияти




Жорий йил 13 июнь куни Тадбиркорлар ва ишбилармонлар ҳаракати – Ўзбекистон Либерал-демократик партиясининг Ўзбекистон Республикаси Олий Мажлиси Қонунчилик палатасидаги фракцияси йиғилиши бўлиб ўтди. Унда Қонунчилик палатаси депутатлари, фракция аъзолари, ҳуқуқшунос ва экспертлар ҳамда оммавий ахборот воситалари вакиллари иштирок этдилар.

Қонунлар ижроси катъий назоратга олинмаса, демократик асосда қабул қилинган карорлар ҳам жамиятга наф келтирмаслиги мумкин. Олий Мажлис Қонунчилик палатасидаги O`zLiDeP фракцияси аъзоларининг сайловчилар билан учрашувларида ана шу талабга алоҳида эътибор қаратилди. Маълумки, ҳар қандай давлатнинг куч-қудрати, энг аввало, демократик институтлар учун қулай шарт-шароит яратиш, фуқаролик жамиятини ривожлантириш, одамларнинг ижтимоий-сиёсий салоҳиятини рўёбга чиқариш, тадбиркорлик субъектларининг эркинлиги учун зарур имкониятлар яратиб бериш борасидаги ислоҳотларда ўз аксини топади. Ўзбекистонда мустақилликнинг дастлабки йилларидан бошлаб ана шу мезонга қатъий амал қилинди. Хусусан, ўз вақтида икки палатали парламент тизимига ўтишдан мақсад ҳам парламент ваколатларини амалга ошириш жараёнида манфаатлар мувозанатини, қабул қилинаётган қонунлар сифатини тубдан яхшилаш ва улар ижросини тўлиқ таъминлашга қаратилган.

Олий Мажлис Қонунчилик палатасининг 24 май куни бўлиб ўтган мажлисида “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш Концепцияси”га мувофиқ қабул қилинган «Ўзбекистон Республикаси Конституциясининг айрим моддаларига ўзгартиш ва қўшимчилар киритиш тўғрисида (78, 80, 93, 96 ва 98-моддаларига)ги қонундан келиб чиқадиган талабларни амалга оширишга доир чора-тадбирлар дастури» қабул қилинди. Ушбу қонуннинг қабул қилиниши парламентнинг назорат йўналишидаги ваколатларини кескин кучайтириб, парламент фаолиятини бутунлай янги даражага олиб чиққанини олиб чиққанини таъкидлаш лозим. Хусусан, эндиликда ҳукумат раҳбари ваколатига кирувчи масалалар юзасидан парламент олдида ҳисобдорлиги, ёки депутатларнинг учдан бир қисми қўллаб-қувватлаган тақдирда ишончсизлик вотуми механизмининг ишга тушурилиши каби янгиликлар шулар жумласидандир.

2011 йил 23 май куни Тадбиркорлар ва ишбилармонлар ҳаракати – Ўзбекистон Либерал-демократик партиясининг Ўзбекистон Республикаси Олий Мажлиси Қонунчилик палатасидаги фракциясининг йиғилиши бўлиб ўтди. Унда фракция аъзолари, вазирлик ва ташкилотлар раҳбарлари, етакчи олим ва мутахассислар, оммавий ахборот воситалари вакиллари иштирок этдилар. Фракция йиғилишида бир қатор қонун лойиҳалари кўриб чиқилди.

O`zLiDeP фракциясининг навбатдаги мажлисида муҳокама қилинган «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳаси тадбиркорлик фаолиятига асоссиз аралашувларнинг олдини олишга хизмат қилиши билан муҳим экани таъкидланмоқда.Бу эса O`zLiDeP ва унинг қуйи палатадаги фракцияси зиммасига алоҳида масъулият юклайди. Зеро, ислоҳотларнинг янги босқичида хусусий мулкнинг ҳимоясини таъминлашга қаратилган қонунчиликни такомиллаштириш талаб этилмоқда. Депутатларнинг фикрича, Қонунчилик палатаси муҳокамасига учинчи ўқишда киритилаётган ушбу қонун лойиҳаси партиянинг бу борадаги фаоилятининг мантиқий давомидир.

Олий Мажлис Қонунчилик палатасидаги O`zLiDeP фракциясининг навбатдаги мажлисида парламентнинг Инсон ҳуқуқлари бўйича вакили(Омбудсман)нинг 2010 йилдаги фаолияти атрофлича муҳокама қилинди. Маълумки, мазкур институт илк маротаба Ўзбекистон Республикаси Президенти  ташаббуси билан Олий Мажлиснинг V сессиясида таъсис этилган эди. Ўтган давр мобайнида парламентнинг Инсон ҳуқуқлари бўйича вакили мақоми тўлиқ шакллантирилиб, фаолиятининг ҳуқуқий механизмлари ишлаб чиқилди. 2004 йилга келиб янги таҳрирдаги “Ўзбекистон Республикаси Олий Мажлисининг Инсон ҳуқуқлари бўйича вакили (Омбудсман) тўғрисида”ги қонуннинг қабул қилиниши мазкур институт фаолиятининг асосий йўналишларини, бу лавозимга сайлаш ва озод қилиш тартиби, фуқароларнинг ариза ва мурожаатларини кўриб чиқиш бўйича ваколатларини белгилаб берди. Мажлисда таъкидланганидек, 2010 йилда ҳам инсон ҳуқуқларини таъминлаш соҳасида самарали ишлар олиб борилди.

      Мутахассисларнинг маълум қилишларича, бу йил Ўзбекистонда электрон имзодан фойдаланувчилар сони 150 мингдан ошади. O`zLiDeP фракцияси аъзолари электрон имзонинг оммалашуви айниқса кичик бизнес ва хусусий тадбиркорлик субъектларининг қимматли вақтларини тежаш имконини беради, демоқдалар.Олий Мажлис Қонунчилик палатасининг Ахборот ва коммуникация технологиялари масалалари қўмитаси томонидан ўтказилган «Электрон рақамли имзо тўғрисида» ва «Электрон ҳужжат айланиши тўғрисида»ги қонун нормаларини такомиллаштиришнинг устувор йўналишлари» мавзуидаги давра суҳбатида ҳам айнан ана шу масалалар атрофлича муҳокама қилинди.

       Олий Мажлис Қонунчилик палатасидаги O`zLiDeP фракциясининг жорий йилдаги биринчи мажлиси «Тугатишга доир иш юритишнинг айрим тартиб-қоидаларини ўтказиш муддатларини тезлаштиришга йўналтирилган «Банкротлик тўғрисида»ги қонунга ўзгартиш ва қўшимчалар киритиш ҳақида»ги қонун лойиҳасини муҳокама қилишдан бошланди. Мажлисда банкрот корхоналарни молиявий соғломлаштириш бўйича тизимли ишлар олиб борилаётгани, бу борада тўланмай қолган қарзлари туфайли банкларнинг балансига ўтказиш механизмининг жорий қилиниши банкрот корхоналарда ишлаб чиқариш фаолиятини қайта тиклаш, уни модернизация қилиш, техник ва технологик янгилаш, янги турдаги маҳсулотлар ишлаб чиқариш ҳамда иш ўринлари ташкил этиш мақсадларига қаратилаётгани алоҳида таъкидланди. Бугунги кунда тижорат банклари балансига берилган 147 та банкрот корхонанинг 140 тасида ишлаб чиқариш қайта тикланиб, уларнинг 64 таси янги инвесторларга сотилгани ана шу жараённинг муваффақиятли кечаётганини кўрсатади. Банклар томонидан мазкур корхоналарни модернизация қилиш ва технологик қайта жиҳозлаш учун 156 миллиард сўм миқдорида инвестиция йўналтирилиб, 21 мингдан кўпроқ иш ўрни ташкил қилинди. Натижада қайта тикланган корхоналарда ишлаб чиқариш ҳажми 460 миллиард сўмни ташкил этиб, умумий қиймати 165 миллион доллардан ортиқ бўлган турли маҳсулотлар экспорт қилинди.

       Олий Мажлис Қонунчилик палатасидаги O`zLiDeP фракцияси Бюджет ва иқтисодий ислоҳотлар қўмитаси билан ҳамкорликда «Қашқадарё вилоятида кичик бизнес субъектларини ривожлантиришнинг ҳолати, шу жумладан, тадбиркорлик муҳитини ривожлантириш учун зарур шарт-шароитлар яратишни назарда тутувчи қонунчилик талабининг вилоят бошқаруви органлари томонидан ижро этилиши» юзасидан парламент эшитувини ўтказди.

    Олий Мажлис Қонунчилик палатасининг Аграр ва сув хўжалиги масалалари қўмитаси томонидан «Ўсимликлар карантини тўғрисида»ги қонунни такомиллаштириш муаммоларига бағишланган давра суҳбати бўлиб ўтди.
Қишлоқ ва сув хўжалиги вазирлиги Ўсимликлар карантини бош давлат инспекцияси, шунингдек, тегишли вазирлик ва идораларнинг вакиллари иштирок этган тадбирда Ўсимликлар карантини бош давлат инспекция томонидан ўтган йилда жами 7605 нусха Импорт карантин рухсатномаси берилди, хорижий давлатлардан юртимизга олиб келинган 3910,9 минг тонна карантин остидаги юклар назоратдан ўтказилгани таъкидланди.

Warning: mysql_result() expects parameter 2 to be long, string given in /var/www/vhosts/uzlidep.uz/httpdocs/content/con_page/index.page.php on line 72
«ISHBILARMON, MARDLIK, SHIJOAT SOHIBI, AZMI QAT’IY, TADBIRKOR VA HUSHYOR BIR KISHI MING-MINGLAB, TADBIRSIZ LOQAYD KISHILARDAN YAHSHIDIR»
QIDIRUV
AXBOROT HAMKORLARIMIZ
BIZNING HAMKORLAR
ОБУНА
ПАРТИЯ НАШРИ