Farg‘ona davlat universitetida “Xalq bilan birga” umummilliy dasturi doirasida talabalar bilan ochiq muloqot tashkil etildi. Tadbirda yoshlarning fikr va tashabbuslarini qo‘llab-quvvatlash, ularning ta’lim va kelajak faoliyatiga oid masalalar muhokama qilindi. Talabalar o‘zlarini qiziqtirgan savollarga mutaxassislar va mas’ullardan javob oldilar.

Uchrashuv davomida yoshlar bandligi, tadbirkorlik ko‘nikmalarini rivojlantirish va innovasion g‘oyalarni qo‘llab-quvvatlash masalalariga alohida e’tibor qaratildi. Shuningdek, Iqtisodiyot fakultetida tahsil olayotgan 11 nafar talaba partiya safiga qabul qilinib, bunday muloqotlar yoshlar faolligini oshirishda muhim ahamiyatga ega ekani ta’kidlandi.