100 nafardan ziyod jizzaxlik ehtiyojmand aholi tibbiy ko‘rikdan o‘tdi
Jizzax viloyatida O‘zLiDePning “Xalq bilan birga” umummilliy dasturi doirasida “Salomatlik sari” loyihasi asosida Sh. Rashidov tumanining “Qulpisar” mahallasida bepul tibbiy ko‘rik tashkil etildi. Aksiya davomida 100 dan ortiq kam ta’minlangan va ijtimoiy himoyaga muhtoj fuqarolar xonadonlarida ko‘rikdan o‘tkazilib, ularning salomatligini mustahkamlashga qaratilgan amaliy ishlar olib borildi.
Tadbirda malakali shifokorlar — terapevt, kardiolog, ginekolog va boshqa mutaxassislar ishtirok etib, aholini ko‘rikdan o‘tkazdilar. Zarur hollarda fuqarolarga qo‘shimcha tekshiruvlar uchun yo‘llanmalar berildi, bu esa kasalliklarni erta bosqichda aniqlash va oldini olish imkoniyatini yanada kengaytirdi.
Shuningdek, aksiya doirasida sog‘lom ovqatlanish, shaxsiy gigiyena va profilaktika masalalari bo‘yicha tushuntirish ishlari olib borildi. Fuqarolarga zarur tibbiy maslahatlar berilib, bunday tashabbuslar uchun minnatdorchilik bildirildi — bu esa aholi salomatligiga bo‘lgan e’tiborni yanada kuchaytirishga xizmat qilmoqda.
O‘zLiDePning “Salomatlik sari” loyihasi doirasida “Yangi obod”lik Gulbahor Matchanovaga moliyaviy yordam va dori-darmonlar berildi
“Xalq bilan birga” umummilliy dasturi aholi va davlat organlari o‘rtasidagi ishonchni yanada mustahkamlamoqda
“Salomatlik sari” aksiyasi doirasida 95 nafar oqoltinlik xotin-qiz bepul tibbiy ko‘rikdan o‘tkazildi
Kreativ yoshlar — innovatsion taraqqiyotning eng ishonchli tayanchidir
