O‘zLiDePning “Xalq bilan birga” umummilliy dasturi hamda “Mahallaning ishbilarmon ayoli” loyihasi doirasida Chiroqchi tumanida “Ishbilarmon ayol–2026” tanlovining tuman bosqichi bo‘lib o‘tdi.

Tanlovda tadbirkorlik, hunarmandchilik va fermerlik sohalarida faoliyat yuritayotgan xotin-qizlar o‘z yutuqlari va tajribalarini namoyish etdi. Ular yangi ish o‘rinlari yaratish, mahsulot ishlab chiqarish va xizmat ko‘rsatishdagi natijalari bilan ajralib turdi.

Yakuniy natijalarga ko‘ra, Feruza Toshquvatova 1-o‘rin, Dilfuza Mo‘minova 2-o‘rin va Pokiza Anorboyeva 3-o‘rinni qo‘lga kiritdi. Gʻoliblar diplom va esdalik sovg‘alari bilan taqdirlandi.

Tadbirda ishtirok etgan deputatlar xotin-qizlarning tashabbuskorligi va mehnatini yuqori baholab, ularga kelgusi faoliyatida ulkan muvaffaqiyatlar tiladi.