O‘zLiDePning «Xalq bilan birga» umummilliy dasturi doirasida Sharof Rashidov tumanida «Bir kunda – 1000 kitob» aksiyasi tashkil etildi.

Aksiya doirasida xalq deputatlari tuman Kengashi deputati Gʻanisher Avalboyev tomonidan 2-son texnikumi kutubxonasiga jahon va o‘zbek adabiyoti namunalaridan iborat badiiy kitoblar to‘plami sovg‘a qilindi.

Tadbir davomida yoshlar ishtirokida davra suhbati o‘tkazilib, kitobxonlik madaniyatini rivojlantirish, mutolaaning inson kamolotidagi ahamiyati haqida fikr almashildi.

Bu kabi tashabbuslar yoshlarni kitobxonlikka keng jalb etish, ularning ma’naviy dunyosi va intellektual salohiyatini yuksaltirishga xizmat qilmoqda.