O‘zLiDePning “Xalq bilan birga” umummilliy dasturi doirasida Sardoba tumanida o‘tkazilgan sayyor qabul aholi uchun ochiq muloqot maydoniga aylandi.

Qabul davomida fuqarolardan 162 ta murojaat kelib tushib, ularning 57 tasi shu joyning o‘zida ijobiy hal etildi. Asosiy murojaatlar ta’lim, tibbiyot, kadastr, ichimlik suvi va ijtimoiy yordam masalalariga oid bo‘ldi.

Bunday qabullarning ahamiyati ham shunda — odamlar o‘z muammosini bevosita mas’ullarga yetkazadi, ayrim masalalar esa joyida hal bo‘ladi. Eng muhimi, qolgan murojaatlar ham nazoratga olinib, ularning yechimi bo‘yicha aniq vazifalar belgilanmoqda.