Yangibozorda “Bir kunda — 1000 kitob” aksiyasi o‘tkazildi
O‘zLiDePning “Xalq bilan birga” umummilliy dasturi doirasida amalga oshirilayotgan “Bir kunda — 1000 kitob” aksiyasi asosida Yangibozor tumani Axborot-resurs markazida ma’naviy-ma’rifiy uchrashuv tashkil etildi.
Tadbirda O‘zbekiston Yozuvchilar uyushmasi Xorazm viloyati bo‘limi vakillari, partiya faollari, deputatlar, xotin-qizlar hamda yoshlar ishtirok etib, mamlakatimizda kitobxonlik madaniyatini rivojlantirish, xotin-qizlarning intellektual salohiyatini yuksaltirish va ma’naviy tarbiyani kuchaytirish borasida amalga oshirilayotgan ishlar haqida fikr almashdilar.
Uchrashuv davomida kutubxona fondi badiiy, ilmiy hamda siyosiy-huquqiy adabiyotlar bilan boyitildi. Sovg‘a qilingan kitoblar xotin-qizlar va yoshlarning bilim olish imkoniyatlarini kengaytirish, ularda mutolaaga bo‘lgan qiziqishni yanada oshirishga xizmat qiladi.
Tadbirda milliy adabiyotimiz va ma’naviy merosimizni targ‘ib qilish, yosh avlod qalbida milliy qadriyatlarga hurmat tuyg‘usini mustahkamlash bilan bir qatorda, mediasavodxonlikni oshirish, axborot xurujlariga qarshi mustahkam bilim va mustaqil fikr bilan yondashish masalalariga ham alohida e’tibor qaratildi.
Xovosda sayyor qabul: 135 ta murojaatning 70 tasi joyida hal etildi
“Salomatlik sari” aksiyasi doirasida rishtonlik 118 fuqaroga stasionar davolanish uchun yo‘llanma berildi
Davlatimiz rahbari O‘zLiDeP deputatining innovatsion ishlanmasini qo‘llab-quvvatladi
Taxiatoshdagi sayyor qabulda 8 kishi ish bilan ta’minlandi, 7 talabaga kontrakt to‘lovlari uchun vaucherlar topshirildi
