Yoshlar tashabbuslarini qo‘llab-quvvatlash — ustuvor vazifa
O‘zLiDeP Toshkent shahar Kengashi tashabbusi bilan Xalqaro Nordik universitetida talabalar ishtirokida ochiq muloqot tashkil etildi.
Uchrashuvda partiyaning yoshlarni qo‘llab-quvvatlash, ularning bilim va salohiyatini ro‘yobga chiqarish, tadbirkorlik tashabbuslarini rag‘batlantirish borasidagi maqsad va vazifalari haqida so‘z yuritildi. Shuningdek, yoshlarning yangi g‘oya va loyihalarini amalga oshirishda partiya tomonidan yaratilayotgan imkoniyatlar tushuntirildi.
Samimiy muloqot va savol-javoblar davomida talabalar o‘zlarini qiziqtirgan savollarga javob oldilar. Uchrashuv yakunida 20 nafar talaba partiya safiga qo‘shilish istagini bildirdi.
Bunday uchrashuvlar yoshlarning tashabbuslarini qo‘llab-quvvatlash, ularning jamiyat hayotidagi faolligini oshirish va istiqbolli g‘oyalarini amalga oshirishga xizmat qiladi.