Давлат байроғи — миллий ғуруримиз ва ифтихоримиз!
Ўзбекистон Республикаси Давлат байроғи қабул қилинганининг 35 йиллиги муносабати билан O‘zLiDeP Наманган вилоят Кенгаши ташаббуси билан Республика ихтисослаштирилган кардиология илмий-амалий тиббиёт маркази Наманган филиалидаги қуйи бўғинда маънавий-маърифий тадбир ташкил этилди.
Унда Давлат байроғимизнинг мустақиллигимиз, миллий ғуруримиз ва халқимиз бирдамлигининг рамзи сифатидаги аҳамияти ҳақида сўз юритилди. Шунингдек, ёшлар ва иштирокчилар қалбида Ватанга садоқат, миллий қадриятларга ҳурмат туйғуларини мустаҳкамлаш масалаларига эътибор қаратилди.
Бундай тадбирлар миллий рамзларимизга ҳурматни ошириш, ватанпарварлик ва юрт тақдирига дахлдорлик туйғуларини мустаҳкамлашга хизмат қилади.