ЎзЛиДеП депутати вазирдан Шаҳрисабзда тиббий муаммолар қачон ҳал этилишини сўради

Олий Мажлис Қонунчилик палатаси депутати, ЎзЛиДеП фракцияси аъзоси Шахноза Холмахаматова томонидан Ўзбекистон Республикаси соғлиқни сақлаш вазири Асилбек Худояровга депутатлик сўрови юборилди.

Сўровда Қашқадарё вилояти Шаҳрисабз туманидаги тиббиёт тизимида юзага келган муаммоларга алоҳида эътибор қаратилган. Хусусан, ҳудудий қайта ташкил этиш натижасида қатор муҳим ихтисослашган тиббий бўлимлар Шаҳрисабз шаҳар тиббиёт бирлашмаси таркибида қолиб кетгани, бу эса туман тиббиёт бирлашмасида мутахассислар ва хизматлар етишмаслигига олиб келаётгани таъкидланган.