O'zLiDeP сайёр қабулида 50 га яқин муаммо жойида ҳал этилди
"Халқ билан бирга" умуммиллий дастури доирасида Бектемир туманида ўтказилган сайёр қабулда 200 дан зиёд фуқаронинг мурожаати эшитилди, 50 га яқин масалага ечим топилди.
Энг муҳими, мурожаатлар қоғозда қолиб кетмади. 5 нафар ёш иш билан таъминланди, 5 нафар фуқарога дори-дармон олиб берилди, 6 нафар ёлғиз кекса ва боқувчисини йўқотган фуқаро оталиққа олинди. Коммунал соҳадаги муаммолар ҳам жойида ҳал этилди.
Маҳалладаги энг оғриқли масалалардан бири ҳам ўз ечимини топди. Нурафшон маҳалласидаги Сомонбозор, 3-тор кўчасининг йиллар давомида таъмирталаб ҳолда турган йўли асфальт қилинди.
"Халқ билан бирга" дастурининг асосий мақсади ҳам муаммони эшитиш эмас, унинг ечимигача бориш.
